- वि.सं २o८१ मङ्सिर १४ शुक्रबार
मेरो माइक्रोफाइनान्स लघुवित्त वित्तीय संस्थाको सञ्चालक समितिको अध्यक्षमा कल्याणविक्रम पाण्डे नियुक्त भएका छन् । मंसिर ६ गते बसेको संस्थाको १६३औँ सञ्चालक समितिको बैठकले सर्वसम्मत रूपमा अध्यक्षमा चयन गरेको संस्थाले जनाएको छ ।
संस्थाका नवनियुक्त अध्यक्ष पाण्डेले नेपाल राष्ट्र बैंकका कार्यकारी निर्देशक गुरुप्रसाद पौडेलसमक्ष पद तथा गोपनीयताको शपथ लिएका छन् । पाण्डेले यसअघि पनि ग्लोबल आइएमई बैंकको संस्थापक प्रतिनिधि समूहको तर्फबाट विगत पाँच वर्षदेखि सञ्चालक समितिमा रहेर काम गरिसकेका छन् ।
यस्तै, सोही बैठकले सुमन मुलेपतिलाई पनि सञ्चालकमा नियुक्त गरेको छ । उनी संस्थापक सेयरधनी सिटिजन बैंक इन्टरनेसनल लिमिटेडको प्रतिनिधित्व गर्दै सञ्चालकमा नियुक्त भएका हुन् । सञ्चालक मुलेपति सो बैंकका सहायक प्रमुख कार्यकारी अधिकृत हुन् ।
