अखिल क्रान्तिकारीको नेतृत्वमा उमेर हद लगाउने सम्भावना बढेको छ। काठमाडौंमा जारी अखिल क्रान्तिकारीको २३औँ राष्ट्रिय सम्मेलनले नेतृत्वमा उमेर हद लगाउने निर्णय लिन सक्ने सम्भावना देखिएको छ।
यस विषयमा अखिल क्रान्तिकारीको मूल पार्टी माओवादी केन्द्रमा समेत छलफल चलिरहेको छ। आज बसेको पार्टीको बैठकले संगठनमा उमेर हद लगाउने वा नलगाउनेबारे विद्यार्थीसँग छलफल गरी आवश्यक निर्णय लिने समझदारी गरेको छ।
उमेद हद लगाउँदा २८, ३० वा ३२ वर्षमध्ये एकमा सहमति जुट्ने सम्भावना रहेको नेताहरू बताउँछन्। सम्मेलनमा नयाँ प्रतिनिधि धेरै रहेको र उनीहरूले उमेर हदमा निर्णय लिन सक्ने अध्यक्षका दाबेदार जिपी मैनालीले बताए।