- वि.सं २o८१ असोज १३ आइतबार
२५ घण्टापछि कोशी पुलबाट आवतजावत खुला भएको छ। पानीको बहाव घटेपछि आवतजावत खुला गरिएको हो।
शनिबार ४ बजेदेखि पैदल यात्रुसहित सवारीसाधनलाई रोक लगाएकोमा आइतबार दिउँसो साढे ५ बजेबाट आवतजावत खुला गरेको सप्तरीका प्रमुख जिल्ला अधिकारी मेखबहादुर मंग्रातीले जानकारी दिए।
खतराको सबै संकेत पार गरिसकेको कोशी नदीमा पछिलो समय पानीको बहाव ह्वात्तै घटेको छ। आइतबार बिहानसम्म साढे ६ लाख क्युसेकभन्दा धेरै बहाव मापन भएको कोशीमा साढे २ बजेको समयमा ३ लाख ९८ हजार ३७० क्युसेक मापन भएको कोशी ब्यारेज नियन्त्रण कक्षले जनाएको छ।
उच्च बहावका कारण ४८ घण्टायता कोशी ब्यारेजका ५६ वटै ढोका खोलिएका छन्। ६ लाख २१ हजार क्युसेक बहाव भएपछि ब्यारेजमाथिबाटै पानी बगेको थियो।
2024-09-18-01-30-27.gif)
2024-09-18-01-30-29.gif)
