कुमारी बैंकले कामनपा–१, कमलपोखरीस्थित श्रीकमल आधारभूत विद्यालयमा अध्ययनरत कक्षा १ देखि कक्षा ८ सम्म अध्यनरत विपन्न वर्गका विद्यार्थीलाई पाठ्यपुस्तक वितरण गरेको छ । विगतको सहयोगलाई निरन्तरता दिँदै बालबालिकाको गुणस्तरीय आधारभूत शिक्षामा सहयोग पु-याउने उद्देश्यअनुरूप बैंकले पाठ्यपुस्तक वितरण गरेकोे बताएको छ ।
बैंकका नायब प्रमुख कार्यकारी अधिकृत राजीव गिरीले विद्यालयका प्रधानाध्यापक मानबहादुर खड्कालाई पाठ्यपुस्तक हस्तान्तरण गरेका हुन् । बैंकले संस्थागत सामाजिक उत्तरदायित्वअन्तर्गत स्वास्थ्य, शिक्षा, वातावरणलगायत क्षेत्रमा सहयोग पु-याउँदै आएको छ ।