काठमाडाैंमा युवतीमाथि एसिड प्रहार
काठमाडौंको कालोपुलमा एक युवतीमाथि एसिड प्रहार भएको छ ।
बुधबार साँझ करिब साढे सात बजे एसिड प्रहार हुँदा २० वर्षीय जेनी खड्का गम्भीर घाइते भएकी छन् । एसिड प्रहार गरेको आरोपमा काभ्रेका ३८ वर्षीय विष्णु भुजेललाई प्रहरीले नियन्त्रणमा लिएको महानगरीय प्रहरी वृत्त कमलपोखरीका प्रमुख डिएसपी रविन्द्रनाथ पौडेलले बताए ।
युवतीकाे किर्तीपुर हस्पिटल (नेपाल क्लेफ्ट एण्ड वर्न सेन्टर)मा उपचार भइरहेको छ ।
युवतीकाे अनुहार, दुबै हात र छातीमा क्षति पुगेकाे प्रहरी प्रवक्ता हाेविन्द्र बाेगटीले जानकारी दिए । बाेगटीका अनुसार उनीहरू श्रीमान श्रीमती हुन् । पुरूषले केही वर्ष अघि भगाएर ल्याएकाे र एक वर्ष देखी उनीहरूकाे सम्बन्ध राम्राे नभएकाले युवती छुट्टै बस्दै आएकी थिइन् । कालाेपुलमा बस्दै आएकी युवतीलाई बाहिर बाेलाएर साँझ एसिड प्रहार गरेकाे बाेगटीले जानकारी दिए ।
घटनाबारे थप अनुसन्धान भइरहेकाे प्रहरीले जनाएकाे छ ।