हिमाली जिल्ला डोल्पामा टेलिफोन सेवा अवरुद्ध भएसँगै सञ्चारबिहिन भएको छ । त्रिपुरासुन्दरी नगरपालिका २ रसी लेकमा राखिएको रेडियो लिंक टावरमा समस्या आएपछि डोल्पा सञ्चारबिहिन भएको स्थानीय दुर्गाप्रसाद देबकोटाले बताए ।
टेलिफोन टावर अवरुद्ध भएपछि जुफाल, त्रिपुराकोट, पहाडालगायतका दर्जनौ बस्तीहरु चार दिनदेखि सञ्चारबिहिन भएका छन् ।
टेलिफोन सेवा नभएपछि सरकारी तथा गैह्र सरकारी कार्यालयको कामकाज समेत प्रभाबित भएको छ ।
तीन महिनादेखि विद्युत अवरूद्ध
जैरीगाड जलविद्युत आयोजना अवरुद्ध भएको तीन महिना बितिसक्दा पनि मर्मत हुन सकेको छैन् ।
लामोसमयसम्म विद्युत आपुर्ति बन्द भएपछि सदरमुकाम दुनै, जुफाल, मोतीपुरलगायतका दर्जनौ बस्ती अन्धकार भएकाे छ ।
विद्युत नभएपछि जेनेरेटरबाट महंगो शुल्क तिरेर फोटोकपी, इमेललगायतका विद्युतीय कामकाज गर्नुपर्दा जनता मारमा परेका छन् ।
सुख्खा पहिरोको कारण नहर भत्केपछि विद्युत सेवा अवरुद्ध भएको थियो ।