भारतमा जारी १२ औँ संस्करणको इन्डियन प्रिमियर लिग (आइपिएल)मा सहभागी भएर लेग स्पिनर सन्दीप लामिछाने आइतबार नेपाल फर्केका छन् । आइपिएलमा उनले दिल्ली क्यापिटल्सबाट खेलेका थिए ।
आइपिएलमा सन्दीपकाे टिम दोस्रो क्वालिफायरमा चेन्नई सुपर किङ्ससँग चार विकेटले पराजित हुँदै फाइनल पुग्न असफल भएको थियो । चेन्नईसँग आफ्नो टिम पराजित भएर खेल सकिएसँगै उनी स्वदेश फर्किएका हुन् ।
यस सिजनमा भएको आइपिएलमा उनले ६ खेल खेलेका थिए । सो खेलबाट उनले ८ विकेट लिएका थिए । उनी आफ्नाे अन्तिम खेल विकेटविहीन भएका थिए ।