भेनेजुएलाको राजधानी काराकासको बाहिरी इलाकामा सैनिक हेलिकप्टर दुर्घटना हुँदा सात जना सैनिक अधिकृतको मृत्यु भएको राष्ट्रपति निकोलास मदुरोले बताएका छन् । हेलिकप्टर राजधानी काराकासबाट उत्तर पश्चिमको सान कार्लोसतर्फ उडेको थियो । 

राष्ट्रपति मदुरोले ट्वीट गर्दै सात सैनिक अधिकृतको निधनले राष्ट्रलाई अपूरणीय क्षति भएको बताएका छन् । दुर्घटनामा मृत्यु हुनेमा दुई जना लेफ्टिनेन्ट कर्णेल, दुई जना मेजर र तीन जना क्याप्टेन  रहेका छन् । रक्षा मन्त्रालयले सो दुर्घटनाको छानबिन थालेको छ ।