भारतमा गुगलले प्लेस्टोरबाट टिकटक हटाएको छ ।
मद्रास उच्च अदालतको आदेशपछि भारत सरकारले गुगलसँग प्लेस्टोरबाट टिकटक हटाउन आग्रह गरेको थियो । सरकारको आग्रहपछि गुगलले प्लेस्टोरबाट टिकटक हटाएको हो । टिकटक हटाउने विषयलाई लिएर भारतको सर्वोच्च अदालतमा पनि मुद्धा चलिरहेको छ । सर्वोच्चले यो मुद्धामा अन्तिम फैसला नगरे पनि मद्रास उच्च अदालतको फैसला खारेज गर्न अस्वीकार गरेको छ ।
मद्रास अदालतले टिकटकमाथि प्रतिबन्ध लगाउन आदेश दिएको थियो । यसले बालबालिका र युवाको भविष्यमा नकारात्मक असर पारेको अदालतको व्याख्या छ ।
सरकारको आग्रहपछि गुगलसँगै एप्पलले पनि आफ्नो एपस्टोरबाट टिकटक हटाएको जनाएको छ ।