भारतको केन्द्रीय निर्वाचन आयोगले उत्तर प्रदेशका मुख्यमन्त्री योगी आदित्य नाथ र बहुजन समाजवादी पार्टीकी अध्यक्ष मायावतीलाई चुनाव प्रचारमा रोक लगाएको छ ।
नाथलाई ७२ घण्टा र मायावतीलाई ४८ घण्टा चुनाव प्रचार कार्यक्रममा भाग लिन रोक लगाएको हो । यो रोक मंगलबार बिहान ६ बजेदेखि कार्यान्वयन हुने आयोगले जनाएको छ ।
निर्वाचन आचारसंहिता उल्लंघन हुने अभिव्यक्ति दिएकाले यस्तो कारबाही गरिएको आयोगले जनाएको छ । यसअघि सर्वोच्च अदालतले आवश्यक कारबाही गर्न आयोगलाई आदेश दिएको थियो ।
भारतमा केन्द्रीय संसद लोकसभाको चुनाव गत बिहीबारबाट सुरु भएको छ । सात चरणमा हुने मतदान १९ मेमा सकिने छ ।