आईसीसी यू-१९ विश्वकप क्रिकेटअन्तरगत मलेसियामा जारी एसिया क्षेत्र छनोट खेलमा २८३ रनको लक्ष्य पछ्याएको सिंगापुरको सातौ विकेट पनि पतन भएको छ । २७ ओभरको खेल सकिँदा सिंगापुरले ७ विकेट गुमाएर ५३ रनमात्र जोडेको छ । 

सातौ विकेटका रुपमा सिंगापुरले चन्द्रमुर्ती श्रीदेवलाई गुमाएको हो । यसअघि कप्तान अमन देसाइ, अर्नभ चबरिया, साइ भेनुगोपाल, विनित मेहता, राओल शर्मा र प्रमेश सिङ्भी आउट भइसकेका छन् । 

टस हारेर ब्याटिङको निम्तो पाएको नेपालले ४६ ओभरमा सवै विकेट गुमाउँदै २८२ रन बनाएको थियो । नेपाली टोलीका कप्तान रोहितकुमार पौडेलले ९५ र पवन सर्राफले ४७ रनको योगदान गरेका थिए ।