इस्लामाबादमा रहेको नेपाली राजदूतावासले टर्कीमा आज गएका दुई शक्तिशाली भूकम्पहरू एवं परकम्पबाट प्रभावित त्यस क्षेत्रमा रहेका नेपाली नागरिकले आफूलाई समस्या परे तुरुन्त राजदूतावासलाई खबर गर्न आग्रह गरेको छ ।

मंगलबार विनोद पौडेलले विज्ञप्ति जारी गर्दै भनेका छन्, ‘ यस राजदूतावास निरन्तर सम्पर्कमा रहेको छ। उहाँहरूलाई परिवार र आफन्त एवं साथीहरूसँग सम्पर्कमा आउन र यस विषम परिस्थितिमा आफ्नो समस्याबारे यथाशीघ्र जानकारी गराउन अनुरोध गरिएको छ।’

दूतावासले आफ्ना परिवार, आफन्त, साथीहरू र अन्य नेपालीसँग सम्पर्कमा नआएका एवं  कुनै समस्यामा परेका नेपालीसम्बन्धी खबर प्राप्त भएमा ००९२ ५१२६१०३१७, ह्वाट्सयाप नं.: 0092512610321,इमेल: [email protected] र +90 537 277 71 96 सम्पर्क नम्बरहरूमा जानकारी गराई सहयोग गरिदिन  सबैमा अपिल गरेको छ ।