काठमाडौं महानगरपालिकाले लोकसेवा आयोगको वैकल्पिक सूचीमा नाम रहेका इन्जिनियरलाई करारमा नियुक्ति दिने भएको छ।

महानगरले मंगलबार एक सूचना जारी गर्दै लोकसेवाले आर्थिक वर्ष ०७९/८० मा प्रकाशित गरेको विभिन्न १५ वटा विज्ञापनमा वैकल्पिक सूचीमा रहेका इन्जिनियरलाई नियुक्त गर्ने जनाएको छ। महानगरले सिभिल, आर्किटेक्ट, इलेक्ट्रिकल र स्ट्रक्चर इन्जिनियरलाई करारमा नियुक्त गर्न लागेको हो।