नेकपा एमालेका अध्यक्ष केपी शर्मा ओलीले समानुपातिकतर्फको मत वृद्धि अस्वाभाविक भइरहेको बताएका छन्।
उनले शनिबार आफ्नो फेसबुक पेजमा स्टाटस लेख्दै एउटा पार्टीलाई आएको केही मत ३ प्रतिशत नकट्ने गठबन्धनमा रहेको अर्को पार्टीमा जोड्नेजस्ता गलत कार्य हुन सक्ने आशंका गरेका छन्।
‘समानुपातिक मतगणना भइरहेको छ। सुरुदेखिको मतगणनालाई नियाल्दा पछिल्लो समयमा केही पार्टीको मत वृद्धि अस्वाभाविक देखिन्छ। एउटा पार्टीलाई आएको केही मत ३ प्रतिशत नकट्ने गठबन्धनमा रहेको अर्को पार्टीमा जोड्ने जस्ता ग़लत कार्य पनि हुनसक्छ,' उनले मत परिणामको मुचुल्का आफ्नो म्यासेन्जर बक्समा पठाउन आग्रह गर्दै भनेका छन्, 'जिल्ला जिल्लामा मतगणनामा रहनु भएका साथीहरू चनाखो रहनुहोस्। मतगणनामा प्रतिनिधि रहनु भएका साथीहरूलाई म त्यहाँको मत परिणामको मुचुल्काको प्रति मेरो फेसबुकको म्यासेज बक्समा पठाउनु हुन अनुरोध गर्दछु।’