अविरल वर्षाले अवरुद्ध बनेको हिल्दुम साना लघुजलविद्युत् आयोजना ४४ दिनपछि बल्ल मर्मत भएको छ। बाढीले आयोजनाको पाइप बगाएपछि हिमाली जिल्ला हुम्ला डेढ महिनासम्म अँध्यारोमा बस्न बाध्य थियो।
नेपाली सेना, नेपाल प्रहरी, सशस्त्र प्रहरी र स्थानीयको संयुक्त पहलमा ४४ दिनपछि जिल्ला सदरमुकाम सिमकोटमा बत्ती बलेको हो।
बाढीले दुई स्थानमा आयोजनाको पाइप बगाएपछि लामो समयसम्म विद्युत् आपूर्ति ठप्प भएको थियो। डेढ महिनापछि मर्मत गरेपछि विद्युत् आपूर्ति सुरु भएकाे लघुजलविद्युत् योजना कार्यालयले जनाएको छ।